მარცვლოვანთა ჟანგები

ჟანგები ეწოდებათ ჟანგისფერი მეჭეჭების წარმოქმნის გამო. მათ გამომწვევ სოკოებს ახასიათებთ პოლიმორფიზმი - განვითარების ციკლში რამდენიმე ტიპის ნაყოფიანობის წარმოქმნა

1. სპერმაგონიალური - სპერმაციები სპერმაგონიუმებში,

2. ეციდიალური - ეციდიოსპორები ეციდიუმში,

3. ურედინალური - ურედო მეჭეჭები ურედოსპორებით,

4. ტელეიტოსტადია - ტელეიტომეჭეჭები ტელეიტოსპორებით,

5. ბაზიდიალური - ბაზიდიუმები ბაზიდიოსპორებით.

თუ სოკოს გააჩნია ხუთივე ტიპის ნაყოფიანობა, მაშინ მას აქვს განვითარების სრული ციკლი, ხოლო თუ რომელიმე აკლია - განვითარების არასრული ციკლი აქვს. ზოგი ჟანგა ერთ ბინიანია, ზოგი კი ორი, ე.ი. თავისი განვითარების ციკლში საჭიროებს ორ პატრონ მცენარეს. მაგ, ხორბლის ხაზა ჟანგას აქვს განვითარების სრული ციკლი და ორი პატრონი მცენარე: ხორბალი და კოწახური.