ნიადაგის სტრუქტურა

ნიადაგის სტრუქტურა წარმოადგენს ნიადაგებისა და ცალკეული ჰორიზონტების საველე დიაგნოსტიკურ მაჩვენებელს. ბუნებრივ მდგომარეობაში ნიადაგებს ახასიათებს სტრუქტურიანობა ანუ უნარი დაიშალოს სხვადასხვა ზომის და ფორმის სტრუქტურულ აგრეგატებად. აგრეგატის ზომები ფართო საზღვრებში ცვალებადობს. ზომის მიხედვით აგრეგატები იყოფიან:

1. მიკროაგრეგატებად (მიკროსტრუქტურა) - ნაკლები 0,25 მმ;

2. მეზოაგრეგატებად (მეზოს სტრუქტურა) – 0,25-7 (10)მმ;

3. მაკროაგრეგატებად (მაკროსტრუქტურა) - მეტი 7(10) მმ. - 7(10) მმ.

ფორმის მიხედვით განასხვავებენ აგრეგატების სამ ტიპს:

1. კუბურს (მარცვლოვანი, კაკლოვანი ანუ გოროხოვანი, ბელტოვანი;

2. პრიზმულს (პრიზმისებრი, სვეტისებრი);

3. ფიქალოვანს (ფიქალოვანი, ქიცვოვანი). სტრუქტურის კლასები გამოიყოფიან აგრეგატების ზომების (მმ) მიხედვით: ძალიან წვრილი, წვრილი, საშუალო, მსხვილი, ძალიან მსხვილი. ნიადაგის სტრუქტურას ადგენენ მარტივი წესით: დაუშლელი ნიადაგის მასას დაახლოებით ერთი მეტრის სიმაღლეზე ააგდებენ, ამ დროს ის იშლება გარკვეული ზომისა და ფორმის აგრეგატებად, რომელიც განსაზღვრავს სტრუქტურას.