კარბონატულ ქანებზე (კირქვებზე, მერგელებზე და სხვ.) განვითარებული ნიადაგი AC პროფილით. მსოფლიო ნიადაგების რუკაზე ეს ტერმინი გამოყენებულია იმ ნიადაგებისთვის, რომელსაც არა აქვს სხვა დიაგნოსტიკური ჰორიზონტები, A ჰორიზონტი არ აღემატება 50 სმ - ს, რომელიც 40% - ზე მეტ უშუალოდ კარბონატულ მასალას შეიცავს. დასავლეთ ევროპის სკოლის მიხრდვით, რენძინს აქვს მული ტიპის ჰუმუსი და წარმოიქმნება მხოლოდ კარბონატულ ქანებზე; ფრანგული სკოლის მიხედვით, ეს ტერმინი გამოიყენება ნიადაგის ჯგუფისათვის, რომელიც შედის კარბონატული ნიადაგების ქვეკლასში კალციმაგნეზიური ნიადაგების კლასიდან. მათ აქვთ მცირე სისქის AC ან AB პროფილი, მარცვლოვანი ან კოშტოვანი სტრუქტურა, pH = 7,0 . ფორმირებულნი არიან მკვრივ კარბონატულ ქანებზე. რენძინების ჯგუფების, ქვეტიპებისა და გვარების აღსანიშნავად იხმარება მრავალი ტერმინი: რენძინი ალპური, რ. ალპური ჰიდრომოდერი, რ. თეთრი, რ. რუხი და სხვ.
Source: აგრარული წარმოება და გარემოს დაცვა: (ტერმინთა განმარტებითი ლექსიკონი)/შემდგენლები: სოლომონ პავლიაშვილი, ავთანდილ კორახაშვილი, დავით კირვალიძე. თბილისი: ნათლისმცემელი, 2023.
to main page 
top of page