ქიმიური გამოფიტვის ტიპი, როცა წარმოიქმნება მეორეული ალუმო და ფეროსილიკატები - კაოლინიტი, ილიტი, გამოფეტვის პროცესში იკარგება შეკავშირებული Si₂ Ca და Na. შეფარდებით მატულობს კვარცის, Al ის, Fe - ის, K - ისა და Mg - ის ჟანგების რაოდენობა. ეს პროცესი დამახასიათებელია ზომიერი კლიმატის პირობებისათვის ბალექების საშუალო რაოდენობის დროს ცნობილია აგრეთვე ფერსიალიტიზაციის პროცესი, რომელიც ხასიათდება გამოფიტვის პროდუქტში რკინის ჰიდრატული ჟანგების დაგროვებით. ეს პროცესი ახასიათებს ტენიან სუბტროპიკულ და ტროპიკულ რაიონებს.
Source: აგრარული წარმოება და გარემოს დაცვა: (ტერმინთა განმარტებითი ლექსიკონი)/შემდგენლები: სოლომონ პავლიაშვილი, ავთანდილ კორახაშვილი, დავით კირვალიძე. თბილისი: ნათლისმცემელი, 2023.
to main page 
top of page