ეს ნაყენი საშუალებას გვაძლევს ვაწარმოოთ ეფექტური პრევენციული და კურატიული ბრძოლა: სეპტორიოზის და ჟანგების წინააღმდეგ ასევე მარწყვის სიდამპლის და მრავალნაირი სოკოვანი დაავადებების წინააღმდეგ. ნიახურზე, ჭარხლსა და ოხრახუშისთვის იგი ახალი ყლორტების განვითარების საშუალებას იძლევა ხანგძლივი დროის განმავლობაში. 10 ლიტრ ნელ-თბილ (20 გრადუსი) წყალში ვყრით 70 გრამ კანგაცლილ და დანაყულ ნიორს და 20 წუთის განმავლობაში ვაკეთებთ დინამიზაციას. შემდეგ ვაცლით 1 საათს და ვიწყებთ შესხურებას. უკეთესია თუ ამას გავაკეთებთ საღამოს. შესხურება შეგვიძლია გავიმეოროთ სამჯერ მიყოლებით.
Source: აგრარული წარმოება და გარემოს დაცვა: (ტერმინთა განმარტებითი ლექსიკონი)/შემდგენლები: სოლომონ პავლიაშვილი, ავთანდილ კორახაშვილი, დავით კირვალიძე. თბილისი: ნათლისმცემელი, 2023.
to main page 
top of page