ღონისძიებები, რომელთა განხორციელება საშუალებას იძლევა ბუნებრივი მოვლენები და პროცესები ადამიანისათვის სასურველი მიმართულებით იქნეს შეცვლილი. ეს არის სახელმწიფოს საქმიანობა ბუნებრივი რესურსების რაციონალური გამოყენების და რეპროდუქციის ორგანიზებაში, გარემოს დაცვაში, აგრეთვე გარემოსდაცვით და ეკონომიკურ ურთიერთობებში კანონის უზენაესობის უზრუნველსაყოფად. გარემოს სარგებლობით მართვის მექანიზმი აერთიანებს მეთოდებს, ფუნქციებსა და ორგანიზაციულ სტრუქტურებს (მართვის ორგანოებს). მართვის მეთოდები - მართვადი ობიექტების ქცევასა და საქმიანობაზე გავლენის მოხდენის გზებია ბუნებრივი რესურსების რაციონალური გამოყენების და გარემოს დაცვის უზრუნველსაყოფად. მათ შორის მთავარია: ადმინისტრაციული (ბრძანება - განკარგულებითი) - უზრუნველყოფილია სახელმწიფო იძულების შესაძლებლობით; ეკონომიკური - მმართველი ორგანოების დაწყვეტილებებზე გარემოს მართვის სფეროში, ბიზნეს სუბიექტების პირდაპირი მატერიალური ინტერესის შექმნა გარემოსდაცვითი აუცილებელი ზომების განხორციელებაში; სოციალურ - ფსიქოლოგიური - მორალური სტიმულირების მეთოდები, რომლებიც ხორციელდება როგორც სტიმულირების, ასევე დამრღვევებზე ზემოქმედების ზომებით (მადლიერება ან, პირიქით, საყვედურები, ზეპირი ან ადმინისტრაციის ბრძანებით და ასე.შემდეგ.). ბუნებრივი გარემოს სარგებლობით მართვა მოიცავს მთელი რიგი სპეციფიკური ფუნქციების განხორციელებას, ანუ საქმიანობის სახეობებს, რომლებიც გავლენას ახდენენ ეკოლოგიურ - ეკონომიკურ ურთიერთობებზე და გარემოს მენეჯმენტის ყველა დარგისთვის საერთოა: წესების შემუშავება და საკანონმდებლო ინიციატივა გარემოს დაცვისა და ბუნების მართვის სფეროში. ბუნებრივი ობიექტების რეგისტრაცია და ბუნებრივი კადასტრების წარმოება; ბუნებრივი გარემოს მონიტორინგის განხორციელება; ეკოლოგიური კონტროლი, ექსპერტიზა და აუდიტი; ეკოლოგიურ - ეკონომიკური პროგნოზირება და დაგეგმვა; გარემოს დაცვის საქმიანობის ეკონომიკური წახალისება; ბუნებრივი რესურსების გამოყენების უფლებაზე დავების გადაწყვეტა; სანქციების გამოყენება გარემოსდაცვითი კანონმდებლობის დარღვევისთვის და ასე შემდეგ..
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Glossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი, 2024.
to main page 
top of page