აეროზოლი, რომლის დისპერსიული ფაზა არის დაქუცმაცებული ნივთიერებების მყარი ნაწილაკები, რომლებიც შეწონილი არიან აირისებრ გარემოში. მტვერი არის პოლიდისპერსიული არასტაბილური სისტემა. მტვრის ნაწილაკების ზომები, როგორც წესი, მერყეობს 0.1-დან 100 მიკრონამდე ან მეტი. ნაწილაკების უნარი შეაღწიონ ზედა სასუნთქ გზებსა და ფილტვებში და მათი დალექვის სიჩქარე მნიშვნელოვნად არის დამოკიდებული მათ ზომაზე, ფორმაზე, დამსხვრეული მასალის სპეციფიკურ წონაზე და ელექტრული მუხტის სიდიდეზე აეროზოლები). ჰაერში მტვრის ნაწილაკების ტივტივი განიხილება არა მხოლოდ ჯანმრთელობაზე მათი ზემოქმედების შესაძლებლობასთან დაკავშირებით, არამედ ნაწილაკების ატმოსფერულ ქიმიურ და ფოტოქიმიურ რეაქციებში შესვლის უნართან, და აგრეთვე როგორც ხილვადობის შემცირების ფაქტორთან. ჰაერის მტვრით დაბინძურების გამომწვევ მიზეზებს შორის მნიშვნელოვანი ადგილი უკავია ნიადაგისა და ქანების ქარის ეროზიას, ბურღვას და აფეთქებას, ვულკანურ ამოფრქვევას, მოძრავი მანქანებით გზის ზედაპირის ცვეთას და ასე.შემდეგ. მტვრის მნიშვნელოვანი რაოდენობა შედის ატმოსფერულ ჰაერში სამთო საწარმოებიდან, მეტალურგიული და ცემენტის ქარხნებიდან, თბოელექტროსადგურებიდან და საქვაბეებიდან. ატმოსფერო ასევე შეიძლება შეიცავდეს კოსმოსური და ბიოლოგიური წარმოშობის მტვერს. კოსმოსური მტვერი, რომელიც შეიცავს რკინას, ნიკელს და სხვა ელემენტებს, აღწევს ატმოსფეროში გრავიტაციული ძალების, დედამიწის ელექტრომაგნიტური ველის და სინათლის წნევის გავლენით (ფოტოფორეზი). ბიოლოგიური წარმოშობის მტვერი შედგება მცენარეული (ბამბის, სელის, მარცვლეულის, შერეული საკვების და ასე.შემდეგ.) და, ასევე, ცხოველური წარმოშობის მტვრისგან (მატყლი და სხვ.).
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Gმონიტორინგი რეგიონალურიlossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი,
to main page 
top of page