ბუნებრივი სიმაღლის სარტყელი მთებში, რომლის ლანდშაფტები დამახასიათებელია ზომიერი და სუბტროპიკული განედებისთვის სუბალპური მცენარეულობისა და კლიმატის უპირატესობით. მდებარეობს ალპური სარტყლის ქვემოთ და მთასტეპის ან მთა -ტყის სარტყლების ზემოთ. სუბალპურ ზონაში ტემპერატურა ზაფხულში იმატებს მაქსიმუმ +24 °C-მდე ცხელ მზიან დღეებში და ჩვეულებრივ არ აღწევს +16 °C-მდე. ყინვები შესაძლებელია წლის ნებისმიერ დროს.მიუხედავად იმისა, რომ ზამთრის ტემპერატურა შეიძლება იყოს უფრო მაღალი, ვიდრე დაბალ სიმაღლეებზე, ზოგადად უფრო მაღალი ვიდრე მინუს 23°C, მიწა ამ დროს დაფარულია სქელი თოვლის საფარით, რომელიც გრძელდება წლის 6-8 თვის განმავლობაში და ზოგიერთი თოვლის გროვა დნება მხოლოდ ზაფხულში. კონვექციური ნალექები, უმეტესად ჭექა - ქუხილის თანხლებით, ხშირად მოდის თოვლის ნალექის ან სეტყვის სახით. სარტყლის სიმაღლე განსხვავებულია სხვადასხვა განედებზე. მაგალითად, კავკასიასა და ალპებში სუბალპური სარტყელი მდებარეობს ზღვის დონიდან 1700-2300 მ სიმაღლეზე, ჰიმალაის სამხრეთ კალთებზე 3200-4000 მ სიმაღლეზე, ხოლო მაღალ განედებზე მისი დონე მკვეთრად ეცემა (მაგალითად, კურილის კუნძულებზე ის ეშვება ზღვების დონეზე)
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Glossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი, 2024
to main page 
top of page