(ინგლისური. Wind Shear) - ქარის სიჩქარისა და (ან) მიმართულების გაზრდილი გრადიენტი, როდესაც ისინი მნიშვნელოვნად იცვლება ატმოსფეროს შედარებით მცირე ფართობზე. ქარის წანაცვლება ჩვეულებრივ იშლება ჰორიზონტალურ (მ/წმ 1 კმ მანძილზე) და ვერტიკალურ (მ/წმ 30 მ სიმაღლეზე) კომპონენტებად, რომელთაგან ჰორიზონტალური კომპონენტი ჩვეულებრივ უფრო მნიშვნელოვანია ატმოსფერული ფრონტების რეგიონში, ხოლო ვერტიკალური დედამიწის ზედაპირთან ახლოს, თუმცა ორივე შეიძლება იყოს მნიშვნელოვანი მაღალ სიმაღლეებზეც: მაღალი სიმაღლეების ჰაერის ნაკადების რეგიონებში და მაღალი სიმაღლეების რონტალურ ზონებში. ქარის წანაცვლება არის მიკრომეტეოროლოგიური ფენომენი, რომელიც არსებობს მხოლოდ მცირე მანძილებზე, მაგრამ ის შეიძლება ასოცირებული იყოს მეზომასშტაბიანი და სინოპტიკური მასშტაბის პროცესებთან.
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Glossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი, 2024
to main page 
top of page