ბუნებრივ გარემოში მიმდინარე ანთროპოგენური ზემოქმედებით გამოწვეული ცვლილებების მონიტორინგის სისტემა, მისი მდგომარეობის შეფასება და პროგნოზირება ბუნებრივი ცვლილებების ფონზე. განასხვავებენ მონიტორინგის სამ ტიპს: 1. ბიოეკოლოგიური, სანიტარულ - ჰიგიენური, რომელიც შეიცავს დაკვირვებებს ბუნებრივი გარემოს მდგომარეობაზე ადამიანზე მისი გავლენის შეფასების თვალსაზრისით; 2. გეოეკოლოგიური, რომელიც შეიცავს დაკვირვებებს ბუნებრივი ეკოსისტემების ცვლილებებზე შემდეგი ინდიკატორების მიხედვით: მასისა და ენერგიის ცვლა, ბიოპროდუქტიულობა, თვითგანწმენდის უნარი და ა.შ.; 3. ბიოსფერული, რომელიც მოიცავს ბიოსფეროს პარამეტრებზე დაკვირვებებს გლობალური მასშტაბით. სახეობების მიხედვით გამოიყოფა დაბინძურების წყაროების, ჰაერის დაბინძურების, ზედაპირული წყლების, ნიადაგის, მიწისქვეშა წყლების და ფონური მონიტორინგი.
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Glossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი, 2024
to main page 
top of page