გაერთიანებული ერების ფორმულირებაში, ჯანმრთელობა არის ”ობიექტური მდგომარეობა და სრული ფიზიკური, ფსიქიკური და სოციალური კეთილდღეობის სუბიექტური გრძნობა”. კარგი ჯანმრთელობა - სოციალური, ეკონომიკური და ინდივიდუა-ლური განვითარების მთავარი რესურსია, იგი ცხოვრების ხარისხის პარამეტრია. საზოგადოებრივი ჯანმრთელობა და სიცოცხლის ხანგრძლივობა განისაზღვრება ბიოლოგიური (მემკვიდრეობითობა), ბუნებრივი და სოციალური ფაქტორებით. ეს უკანასკნელი შეიცავს სამედიცინო მომსახურების დონეს და ეკოლოგიურ პირობებს (სუფთა ჰაერი და წყალი, მაღალხარისხიანი პროდუქტები და ა.შ.). ჯანდაცვის განვითარების სტრატეგიაში მნიშვნელოვანი ადგილი უნდა ეკავოს ეკოლოგიური რობლემების, როგორც მთავარი სოციალური ინვესტიციისა და მორალური ღირებულების, გადაწყვეტას.
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Glossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი, 2024.
to main page 
top of page