(ინგლ. Sustainable Development) - საზოგადოების განვითარება, რომელშიც ამჟამად მცხოვრები თაობების მოთხოვნილებები კმაყოფილდება, მომავალი თაობებისათვის გარემოს დეგრადაციის და რესურსების შემცირების გამო, ამ შესაძლებლობის აღკვეთის გარეშე.მდგრადი განვითარების სტრატეგია) ეკონომიკური და სოციალური ცვლილებების პროცესი, რომელშიც ბუნებრივი რესურსები, ინვესტიციების მიმართულება, სამეცნიერო და ტექნოლოგიური განვითარების ორიენტაცია, პიროვნული განვითარება და ინსტიტუციური ცვლილებები კოორდინირებულია ერთმანეთთან და აძლიერებს ამჟამინდელ და სამომავლო პოტენციალს ადამიანის მოთხოვნილებებისა და მისწრაფებების დასაკმაყოფილებლად. მრავალი თვალსაზრისით, ჩვენ ვსაუბრობთ ადამიანების ცხოვრების ხარისხის უზრუნველყოფაზე. “მდგრადი განვითარების” განმარტება ნიშნავს მდგრად, უწყვეტ ზრდას. ამავე დროს, ევროპულ ენებში შემდეგი სიტყვების თარგმანი მოცემულია შემდეგნაირად: ინგლისური sustainable - მდგრადი, სიცოცხლისუნარიანი; ეკოლოგიურად რაციონალური, რაც უზრუნველყოფს სამომავლო საჭიროებების გათვალისწინებას; development - განვითარება, ზრდა, სრულყოფა, ევოლუცია, პრეზენტაცია, გამჟღავნება, შედეგი, საწარმო, დამუშავების პროცესში მყოფი მიწის ნაკვეთი, დამუშავება, წარმოება. ამ კონტექსტში ამ თარგმანს უფრო ვიწრო მნიშვნელობა უნდა ჰქონდეს. ეს არის განვითარება, რომელიც "გრძელდება" ("თვითკმარი"), ანუ ის, რაც არ ეწინააღმდეგება კაცობრიობის შემდგომ არსებობას და მის განვითარებას წინა მიმართულებით. მდგრადი განვითარების კონცეფცია მიღებულ იქნა გაეროს კონფერენციაზე განვითარებისა და გარემოს შესახებ ქალაქ რიო დე ჟანეიროში 1992 წელს. სადღეისოდ ეს კონცეფცია ყველაზე ფართოდ არის გავრცელებული და ხშირად მოიხსენიება როგორც "ცივილიზაციის მომავლის გლობალური მოდელი" მდგრადი განვითარების კონცეფცია ჩამოყალიბდა სამი სფეროს კომბინაციის შედეგად: ეკონომიკური. როგორც ცხადი გახდა, გრძელვადიანი ეკონომიკური პროექტები, რომლებიც ითვალისწინებენ ბუნების კანონებს, საბოლოოდ უფრო ეფექტური აღმოჩნდნენ, ვიდრე პროექტები, რომელთა განხორციელება არ ითვალისწინებს შესაძლო ეკოლოგიურ შედეგებს; ეკოლოგიური. ეკოლოგიის სფეროში მდგრადი განვითარების ძირითადი მიზანია ფიზიკური და ეკოლოგიური სისტემების სტაბილურობა. გარემოს საჭიროებების უგულებელყოფა გამოიწვევს დეგრადაციას და საფრთხეში ჩააგდებს მთელი კაცობრიობის არსებობას; სოციალური.სწორედ სოციალური პრობლემების გაცნობიერებამ მისცა ბიძგი ამ კონცეფციის ფორმირებას, რომელიც მიზნად ისახავს კულტურული და სოციალური სტაბილურობის შენარჩუნებას, აგრეთვე დესტრუქციული კონფლიქტების რაოდენობის შემცირებას
Source: გუნია, გარი. ეკოლოგიის საფუძვლების ტერმინების განმარტებითი გლოსარიუმი: დედამიწისა და გარემოს შემსწავლელ მეცნიერებათა დარგში = Explanatgory Glossary of Terms on Basics of Ecology: In the field of sciences about Earth and Ennvironment: [სახელმძღვანელო] / გარი გუნია; რედაქტორი თენგიზ ცინცაძე; საქართველოს ტექნიკური უნივერსიტეტი, ჰიდრომეტეოროლოგიის ინსტიტუტი. თბილისი, 2024.
to main page 
top of page