ფინანსური გამოკვლევა, რომელიც ხორციელდება გარიგების კონკრეტული ფაქტებისა თუ დეტალების ნამდვილობის დასადასტურებლად და გარიგებასთან დაკავშირებული რისკების შესამცირებლად. მაგალითად, კონკრეტული კომპანიის აქციებში ინვესტირებამდე ინვესტორმა შესაძლოა განახორციელოს სათანადო გადამოწმება, რომლის ფარგლებშიც ის შეისწავლის ამ კომპანიის ბიზნესმოდელს, ფინანსურ ანგარიშგებას, ბაზარს, კონკურენტულ უპირატესობებს, აქციის ფასების დინამიკას, გააკეთებს პროგნოზს, ააგებს ფინანსურ მოდელს და შეაფასებს კომპანიასა და აქციის ფასს. ამ პროცესის შემდეგ მას მეტი ინფორმაცია ექნება აღნიშნული კომპანიის შესახებ და უკეთეს გადაწყვეტილებას მიიღებს ინვესტირებასთან დაკავშირებით. როგორც წესი, სათანადო გადამოწმებას ახორციელებენ ხოლმე ინვესტორები, ბროკერები, დილერები, ფინანსური ანალიტიკოსები, კომპანიები, რომლებიც სხვა კომპანიის შესყიდვას გეგმავენ.
Source: ფინანსურ ტერმინთა ლექსიკონი/მთ. რედაქტორი ვატო ლეჟავა; რედაქტორები: ზაზა გელაშვილი, გეგა გოგიჩაშვილი, რატი წიკლაური. თბილისი: თავისუფალი და აგრარული უნივერსიტეტების გამომცემლობა, 2022.
to main page 
top of page