ინვესტიციის ტიპი, რომელიც ქვეყანაში შემოედინება ქვეყნის გარეთ არსებული წყაროდან და წარმოადგენს ინვესტორის მიერ მასპინძელ ეკონომიკაში გრძელვადიანი ინტერესით კაპიტალდაბანდებას. გრძელვადიანი ინტერესი გულისხმობს გრძელვადიანი ურთიერთობის არსებობას ინვესტორსა და საინვესტიციო საწარმოს/ქვეყანას შორის, აგრეთვე ინვესტორის მნიშვნელოვან ზეგავლენას საინვესტიციო საწარმოს გადაწყვეტილების მიღების პროცესზე. მაგალითად, თუ თურქული კომპანია საქართველოში ჩადებს კაპიტალს და დააფუძნებს ტანსაცმლის ფაბრიკას, საქართველოსთვის ეს მოვლენა პირდაპირ უცხოურ ინვესტიციად ჩაითვლება.
Source: ფინანსურ ტერმინთა ლექსიკონი/მთ. რედაქტორი ვატო ლეჟავა; რედაქტორები: ზაზა გელაშვილი, გეგა გოგიჩაშვილი, რატი წიკლაური. თბილისი: თავისუფალი და აგრარული უნივერსიტეტების გამომცემლობა, 2022.
to main page 
top of page