მაჩვენებელი, რომელიც ზომავს საქონელსა და მომსახურებაზე ფასების დონის ცვლილებას გარკვეულ პერიოდში. ყველაზე ხშირად იყენებენ სამომხმარებლო ფასების ინდექსსა (სფი) და მწარმოებელთა ფასების ინდექსს (მფი). სამომხმარებლო ფასების ინდექსი (სფი) ზომავს პერიოდიდან პერიოდამდე ფასის ცვლილებას სამომხმარებლო კალათაზე, რომელიც მოიცავს იმ საქონელსა თუ მომსახურებას, რომელსაც მოსახლეობა იყენებს პირადი მოხმარებისათვის. მწარმოებელთა ფასების ინდექსი (მფი) ზომავს ადგილობრივი მწარმოებლების მიერ საკუთარ პროდუქციაზე დადგენილი ფასების დონის ცვლილებას იმავე პერიოდში.
Source: ფინანსურ ტერმინთა ლექსიკონი/მთ. რედაქტორი ვატო ლეჟავა; რედაქტორები: ზაზა გელაშვილი, გეგა გოგიჩაშვილი, რატი წიკლაური. თბილისი: თავისუფალი და აგრარული უნივერსიტეტების გამომცემლობა, 2022.
to main page 
top of page