ეკონომიკური თეორია, რომლის მიხედვითაც, ორი ვალუტა წონასწორობაშია, როდესაც პროდუქტის კალათის ფასი ორივე ქვეყანაში ერთნაირია, გაცვლითი კურსის გათვალისწინებით.მაგალითად, თუ საქართველოში პური ღირს 1 ლარი, თურქეთში კი – 0.80 ლირა, წონასწორობა მაშინ დამყარდება, როდესაც ლარის გაცვლითი კურსი, ლირასთან მიმართებით, იქნება 0.80 ლირა და გამოვა, რომ ორივე ქვეყანაში პურის ფასი ერთნაირი იქნება. მსყიდველუნარიანობის პარიტეტის თეორია ხშირად გამოიყენება ქვეყნების ეკონომიკური პროდუქტიულობისა და ცხოვრების დონის შესადარებლად.
Source: ფინანსურ ტერმინთა ლექსიკონი/მთ. რედაქტორი ვატო ლეჟავა; რედაქტორები: ზაზა გელაშვილი, გეგა გოგიჩაშვილი, რატი წიკლაური. თბილისი: თავისუფალი და აგრარული უნივერსიტეტების გამომცემლობა, 2022.
to main page 
top of page