სარგებლის განაკვეთი, რომელიც არ ითვალისწინებს ინფლაციის პრემიას და გვიჩვენებს ფულის რეალურ ღირებულებას მსესხებლისთვის და რეალურ სარგებელს გამსესხებლისა ან ინვესტორისათვის. რეალური საპროცენტო განაკვეთი გამოხატავს მხარეების დამოკიდებულებას დროში ფულის ღირებულებასთან მიმართებით, ანუ რამხელა უკუგების სანაცვლოდაა თანახმა გამსესხებელი, დათმოს დღევანდელი 1 ლარი 1 წლის შემდგომი თანხის სანაცვლოდ. რეალური საპროცენტო განაკვეთი გამოითვლება ნომინალური საპროცენტო განაკვეთისთვის ინფლაციის გამოკლებით:
რეალური საპროცენტო განაკვეთი=ნომინალური საპროცენტო განაკვეთი–ინფლაცია.
Source: ფინანსურ ტერმინთა ლექსიკონი/მთ. რედაქტორი ვატო ლეჟავა; რედაქტორები: ზაზა გელაშვილი, გეგა გოგიჩაშვილი, რატი წიკლაური. თბილისი: თავისუფალი და აგრარული უნივერსიტეტების გამომცემლობა, 2022.
to main page 
top of page