 |
 | |
fasciculus, - i
m.
L. fascis შეკვრა, კონა
კონა; ნერვული ან კუნთოვანი ბოჭკოების კონა
- fasciculus atrioventricularis წინაგულ-პარკუჭის კონა; შედგება ღეროსა და ორი ფეხისაგან, აგებულია გულის სახეცვლილი კუნთოვანი უჯრედებისაგან; წარმოადგენს გულის გამტარი სისტემის ნაწილს, რომელიც ატარებს იმპულსებს წინაგულ-პარკუჭის კვანძიდან გულის პარკუჭებისაკენ. (Fasciculus Hisi).
- fasciculus cuneatus სოლისებრი კონა; ზურგის ტვინის უკანა ლარის ლატერალურ ნაწილში მოთავსებული აღმავალი ბოჭკოები, რომლებიც იწყებიან სპინალური კვანძების უჯრედებიდან (გულმკერდის VI და ზემოთ მდებარე სპინალური კვანძებიდან), მიემართებიან სოლისებრ ბირთვში. (Burdachi).
- fasciculus gracilis ნაზი კონა; ზურგის ტვინის უკანა ლარის მედიალურ ნაწილში მოთავსებული აღმავალი ბოჭკოები, რომლებიც იწყებიან სპინალური კვანძების უჯრედებიდან (გულმკერდის VII და ქვემოთ მდებარე კვანძებიდან), მიემართებიან მოგრძო ტვინში და მთავრდებიან ნაზ ბირთვში. (Golli).
- fasciculus longitudinalis inferior ქვემო გასწვრივი კონა; განეკუთვნება ასოციაციურ ნერვულ ტრაქტებს; ერთმანეთთან აკავშირებს ერთი ჰემისფეროს საფეთქლისა და კეფის წილებს.
- fasciculus longitudinalis superior ზემოთ გასწვრივი კონა; განეკუთვნება ასოციაციურ ნერვულ ტრაქტებს; ერთი ჰემისფეროს შუბლის წილს აკავშირებს თხემის ქვემო წილაკთან, კეფის წილთან და საფეთქლის წილის უკანა ნაწილთან.
- fasciculus mamillotegmentalis დვრილ-ჭერის კონა; დვრილისებრი სხეულიდან მიემართება შუა ტვინის ჭერში – ტეგმენტუმში.
- fasciculus mamillothalamicus დვრილ-მხედველობის ბორცვის კონა; დვრილისებრი სხეულიდან მიემართება მხედველობის ბორცვის წინა ბირთვში და შეიცავს აღმავალ და დაღმავალ ბოჭკოებს (BNA – fasciculus thalamomamillaris Vieq d’ Azyri).
- fasciculi proprii საკუთარი კონები; ზურგის ტვინის მოკლე ასოციაციური ბოჭკოები, რომლებიც ერთმანეთთან აკავშირებენ ზურგის ტვინის სეგმენტებს; მოთავსებული არიან უშუალოდ რუხი ნივთიერების გარშემო თეთრი ნივთიერების ვიწრო ზოლის სახით და განეკუთვნებიან ზურგის ტვინის ფილოგენეზურად უფრო ძველ საკუთარ, ანუ სეგმენტურ აპარატს.
- fasciculus retroflexus შებრუნებული კონა; განეკუთვნება სადავის ეფერენტულ სისტემას და სადავის ბირთვიდან მიემართება შუა ტვინის ფეხთაშუა ბირთვში (BNA – Meynerti).
- fasciculi rubroreticulares წითელბირთვ-ბადისებრი კონები; რუბრორეტიკულური კონები; წითელი ბირთვიდან მიემართებიან ტვინის ღეროსა და ზურგის ტვინის რეტიკულურ ფორმაციაში (BNA – tractus rubro-relicularis).
- fasciculus uncinatus კაუჭისებრი კონა; განეკუთვნება ასოციაციურ ნერვულ ტრაქტებს და ერთი ჰემისფეროს შუბლის ქვემო ხვეულს აკავშირებს საფეთქლის პოლუსთან.
- fascicularis, - e, fasciculatus, - a, - um კონისა
Source: შელია, ლეონარდ. ანატომიის განმარტებითი ლექსიკონი = Толковый анатомический словарь / ლ. შელია; რედ.: ნ. ჯავახიშვილი; ალ. ნათიშვილის სახ. ექსპერიმენტული მორფოლოგიის ინ-ტი. თბილისი: მეცნიერება, 1979.
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |