 |
 | |
hiatus, - us
m.
L. hiare ღიად ყოფნა, პირის დაღება
ხვრელი, ნაპრალი, შესავალი
- hiatus aorticus აორტული ხვრელი; მდებარეობს შუასაძგიდის წელისეულ ნაწილში; მასში გადის აორტა და გულმკერდის ლიმფური სადინარი.
- hiatus canalis n. petrosi majoris დიდი კლდოვანი ნერვის არხის ნაპრალი; ძევს საფეთქლის ძვლის კლდოვანი ნაწილის წინა ზედაპირზე (BNA – hiatus canalis facialis; foramen Tarini).
- hiatus canalis n. petrosi minoris მცირე კლდოვანი ნერვის არხის ნაპრალი; ძევს საფეთქლის ძვლის კლდოვანი ნაწილის წინა ზედაპირზე.
- hiatus esophageus საყლაპავისეული ხვრელი; მდებარეობს შუასაძგიდის წელისეულ ნაწილში; მასში გადის საყლაპავი მილი და ცთომილი ნერვები.
- hiatus maxillaris ზედაყბის ნაპრალი; ზედაყბის წიაღის შესავალი ხვრელი ზედაყბის სხეულის მედიალურ ზედაპირზე.
- hiatus sacralis გავის შესავალი; გავის არხის გამოსავალი ხვრელი გავის ძვლის მწვერვალის უკანა ზედაპირზე.
- hiatus saphenus საჩინო შესავალი; წარმოადგენს ბარძაყის არხის გარეთა ხვრელს; მდებარეობს საზარდულის იოგის ქვემოთ, ბარძაყის სამკუთხედში, განიერი ფასციის ზედაპირულ ფირფიტაზე; ლატერალურად მოსაზღვრულია ნამგლისებრი კიდით, ქვემოდან – ქვემო რქით, ზემოდან კი ზემო რქით; დახურულია დაცხრილული ფასციით (BNA – fossa ovalis).
- hiatus semilunaris ნამგლისებრი ნაპრალი; ცხვირის ღრუს მრუდე გასავალი, რომელიც ზემოდან მოსაზღვრულია ცხავის ბუშტულით ქვემოდან კი – ცხავის ძვლის კავისებრი მორჩის კიდით და წინისკენ გრძელდება ძაბრში.
- hiatus tendineus (adductorius) მყესოვანი (მომზიდველი) შესავალი; იქმნება დიდი მომზიდველი კუნთის ბოჭკოების დაცილებით; წარმოადგენს მომზიდველი არხის ქვედა ხვრელს, რომელიც იხსნება მუხლქვეშა ფოსოში.
Source: შელია, ლეონარდ. ანატომიის განმარტებითი ლექსიკონი = Толковый анатомический словарь / ლ. შელია; რედ.: ნ. ჯავახიშვილი; ალ. ნათიშვილის სახ. ექსპერიმენტული მორფოლოგიის ინ-ტი. თბილისი: მეცნიერება, 1979.
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |