 |
 | |
lamina, - ae,
f.
L.
ფირფიტა
- lamina affixa დართული ფირფიტა; წარმოადგენს ტვინის საბოლოო ბუშტის მედიალური კედლის ნაწილს, რომელიც ინვაგინაციის შედეგად თავსდება მხედველობის ბორცვის დორსალურ ზედაპირზე, სასაზღვრო ხაზსა და სისხლძარღვოვან ზონარს შორის. სხვა წარმონაქმნებთან ერთად ქმნის გვერდითი პარკუჭის ცენტრალური ნაწილის ძირს.
- lamina alaris ფრთისებრი ფირფიტა; ჩანასახის ნერვული ლულის უკანა ლატერალური ნაწილი, სადაც ვითარდება აფერენტულ ნერვებთან დაკავშირებული, სენსორული ნერვული უჯრედები.
- lamina basalis ბაზალური ფირფიტა; 1. ჩანასახის ნერვული ლულის წინა ლატერალური ნაწილი, სადაც ვითარდება ეფერენტული ნერვების მოტორული უჯრედები, 2. თხელი, უსტრუქტურო ფირფიტა, რომელიც საკუთრივ სისხლძარღვოვანი გარსის ყველაზე ღრმა ფენას წარმოადგენს და გრძელდება წამწამოვანი სხეულის ბაზალურ ფირფიტაში.
- lamina arcus vertebrae მალის რკალის ფირფიტა; მალის რკალის უკანა ნაწილი; წინა ნაწილი წარმოდგენილია რკალის ფეხით.
- lamina basilaris ძირითადი ფირფიტა; გადაჭიმულია ლოკოკინას ძვლოვანი სპირალური ფირფიტის კიდის დაფისეულ ბაგესა და ლოკოკინას გარეთა კედელს შორის, ძირითად ფირფიტაზე განლაგებულია სპირალური ორგანო.
- lamina choroidocapillaris ქოროიდოკაპილარული ფირფიტა; სისხლძარღვოვან-კაპილარული ფირფიტა; თვალის საკუთრივ სისხლძარღვოვანი გარსის ერთ-ერთი ფენა, სისხლძარღვოვან ფირფიტასა – lamina vasculosa და ბაზალურ ფირფიტას შორის; შეიცავს უხვ კაპილარულ ქსელს. კაპილარები ხასიათდება დიდი ზომით და არათანაბარი ყალიბით. (Ruyschii).
- lamina cribrosa დაცხრილული ფირფიტა; ცხავის ძვლის ჰორიზონტალურად მდებარე ფირფიტა, ქალას წინა ფოსოს შუაში; მის ხვრელებში გადიან ყნოსვის ნერვები.
- lamina fusca sclerae სკლერის დაბურული ფირფიტა; სკლერის ყველაზე ღრმა ფენა, რომელიც ეკვრის სისხლძარღვოვან გარსს; შეიცავს პიგმენტურ უჯრედებს – მელანოციტებს.
- lamina horizontalis ჰორიზონტალური ფირფიტა; სასის ძვლის ჰორიზონტალური ფირფიტა.
- lamina limitans anterior წინა საზღვროვანი ფირფიტა; თხელი მკვრივი, ბოჭკოვანი აგებულების ფირფიტა, რომელიც მოთავსებულია უშუალოდ რქოვანას წინა ეპითელიუმის ქვეშ. (BNA – lamina elastica anterior Bowmani).
- lamina limitans posterior უკანა საზღვროვანი ფირფიტა; ბოჭკოვანი აგებულების აპკი რქოვანას საკუთარი ნივთიერებასა და წინა სენაკის ენდოთელიუმს შორის. (BNA – lamina elastica posterior, Demoursi, Descemeti).
- lamina medullaris lateralis et medialis ლატერალური და მედიალური ტვინოვანი ფირფიტა; თეთრი ნივთიერების ფირფიტები, რომლებითაც ოსპისებრი ბირთვი გაყოფილია სამ ნაწილად ჩენჩოსა და მედიალურად მდებარე ორ მკრთალ სფეროებად.
- lamina membranacea აპკისებრი ფირფიტა; ფიბროზული ფირფიტა, რომელიც აერთებს სასმენი ლულის ხრტილის კიდეებს და ქმნის ღულის ლატერალურ და ქვემო კედელს.
- lamina modioli ღერძის ფირფიტა; თხელი ძვლოვანი ფირფიტა, რომლითაც მთავრდება ლოკოკინას ღერძის წვერო.
- lamina orbitalis თვალბუდისეული ფირფიტა; თხელი ძვლოვანი ფირფიტა, რომელიც გარედან ფარავს ცხავის ძვლის ლაბირინთს და ქმნის თვალბუდის მედიალურ კედელს (BNA – lamina papiracea).
- lamina parietalis et visceralis პარიეტული და ვისცერული ფირფიტა; სეროზული გარსების კედლისამყოლი და ორგანმფარავი ფირფიტები.
- lamina perpendicularis პერპენდიკულარული ფირფიტა; ცხავისა და სასის ძვლის პერპენდიკულარული ფირფიტები.
- lamina pretrachealis სასულესწინა ფირფიტა; კისრის ფასციის ერთ-ერთი ფურცელი, რომლითაც დაფარულია სასულეს წინ მდებარე კუნთები და ორგანოები.
- lamina prevertebralis ხერხემლისწინა ფირფიტა; კისრის ფასციის ერთ-ერთი ფურცელი, რომლითაც დაფარულია ხერხემლის წინ მდებარე და კიბისებრი კუნთები.
- lamina septi pellucidi გამჭვირვალე ძგიდის ფირფიტა; ორი საგიტალურად მდგარი ფირფიტა კორძიანი სხეულის წინა ნაწილებსა და თაღის სხეულსა და სვეტებს შორის, რომელთა შორის მოთავსებულია გამჭვირვალე ძგიდის ღრუ; თითოეული ფირფიტა ქმნის გვერდითი პარკუჭის წინა რქის მედიალურ კედელს.
- lamina spiralis ossea ძვლოვანი სპირალური ფირფიტა; ლოკოკინას ღერძის გარშემო სპირალურად დახვეული ძვლოვანი ფირფიტა, რომლის თავისუფალ კიდეს უმაგრდება სპირალური აპკი: იწყება კარიბჭიდან, ლოკოკინას სარკმლის მახლობლად და მთავრდება ლოკოკინას მწვერვალში სპირალური ფირფიტის კავით.
- lamina spiralis secundaria მეორეული სპირალური ფირფიტა; ძვლოვანი ქედი ლოკოკინას არხის პირველი ხვეულის გარეთა კედელზე, ძვლოვანი სპირალური ფირფიტის მოპირდაპირე მხარეზე.
- lamina suprachoroidea საკუთრივ სისხლძარღვოვანი გარსის ზედა ფირფიტა; სუპრაქოროიდული ფირფიტა; თვალის კაკლის საკუთრივ სისხლძარღვოვანი გარსის გარეთა ფენა, რომელიც ეკვრის სკლერას.
- lamina tecti სახურავის ფირფიტა; შუა ტვინის სახურავის ოთხკუთხა ფირფიტა, რომელზეც განლაგებულია ზემო და ქვემო გორაკები.
- lamina terminalis სასაზღვრო ფირფიტა; თხელი რუხი ფირფიტა, კორძიანი სხეულის ნისკარტსა და მხედველობის ჯვარედის ზემო ზედაპირს შორის; ქმნის მესამე პარკუჭის წინა კედელს.
- lamina vasculosa სისხლძარღვოვანი ფირფიტა; საკუთრივ სისხლძარღვოვანი გარსის ფენა, რომელიც მოთავსებულია სუპრაქოროიდულ და ქოროიდოკაპილარულ ფირფიტებს შორის.
- laminae albae თეთრი ფირფიტები; ნათხემის ტვინოვანი სხეულის (ნათხემის თეთრი ნივთიერება) განშტოებები, რომლებიც შეაღწევენ ნათხემის ფოთლებში.
- laminae medullares thalami მხედველობის ბორცვის ტვინოვანი ფირფიტები; თეთრი ნივთიერება მხედველობის ბორცვის ბირთვებს შორის.
Source: შელია, ლეონარდ. ანატომიის განმარტებითი ლექსიკონი = Толковый анатомический словарь / ლ. შელია; რედ.: ნ. ჯავახიშვილი; ალ. ნათიშვილის სახ. ექსპერიმენტული მორფოლოგიის ინ-ტი. თბილისი: მეცნიერება, 1979.
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |