 |
 | |
spatium - ii
L.
საშ. სქ.
საშ. სქ.
სივრცე
- spatia anguli iridocornealis ფერად-რქოვანას კუთხის სივრცეები; სივრცეები ფერად-რქოვანას კუთხის სავარცხელა იოგის ხარიხებს შორის, რომელთა საშუალებით თვალის კაკლის წინა სენაკის ნამი მიედინება სკლერის ვენურ სინუსში (BNA – spatia anguli iridis, Fontanae).
- spatia interglobularia ინტერგლობულარული სივრცეები; ბურთებშორისი სივრცეები; გაუკიროვნებელი სივრცეები დენტინის პერიფერიულ უბნებში; კბილის გვირგვინში ისინი დიდი ზომისა არიან, ფესვში მათი ზომა კლებულობს რაოდენობა კი მატულობს. ვარაუდობენ, რომ ბურთებშორისი სივრცეები მნიშვნელოვან როლს ასრულებენ დენტინის ნივთიერებათა ცვლაში.
- spatia interossea metacarpi ნების ძვალთაშუა სივრცეები; შუალედები ნების მეზობელ ძვლებს შორის.
- spatia interossea metatarsi წინა ტერფის ძვალთაშუა სივრცეები; შუალედები წინა ტერფის მეზობელ ძვლებს შორის.
- spatia intervaginalia ბუდეთაშორისი სივრცეები; სივრცეები მხედველობის ნერვის ბუდეებს შორის, რომლებიც სუბდურალური და ქსელქვეშა სივრცეების გაგრძელებას წარმოადგენენ.
- spatia zonularia სარტყლის სივრცეები; ნაპრალები წამწამოვანი სარტყლის ბოჭკოებს შორის, რომლებიც ბროლის ეკვატორის გარშემო ქმნიან ირგვლივ ლიმფურ სივრცეს (BNA – canalis Petiti).
- spatium episclerale ეპისკლერული სივრცე; სივრცე სკლერასა და თვალის კაკლის ბუდეს შორის (BNA – spatium interfasciale Tenoni).
- spatium intercostale ნეკნთაშუა სივრცე; შუალედები მეზობელ ძვლოვან და ხრტილოვან ნეკნებს შორის.
- spatium perichoroideale პერიქოროიდული სივრცე; თვალის კაკლის საკუთრივ სისხლძარღვოვანი გარსის სუპრაქოროიდულ ფირფიტაში არსებული, ენდოთელიუმით ამოფენილი სივრცეები.
- spatium perilymphaticum პერილიმფური სივრცე; სივრცე აპკისებრი და ძვლოვან ლაბირინთებს შორის, რომელიც ამოვსებულია პერილიმფით.
- spatium perinei profundum შორისის ღრმა სივრცე; სივრცე შარდ-სასქესო შუასაძგიდის ზემო და ქვემო ფასციებს შორის, რომელიც შეიცავს შარდსადენის აპკისებრ ნაწილს, შორისის ღრმა განივ კუნთს, შარდსადენის სფინქტერს, მამაკაცებში ბოლქვ-შარდსადენის ჯირკვლებს, ქალებში კი – კარიბჭის დიდ ჯირკვლებს.
- spatium perinei superficiale შორისის ზედაპირული სივრცე; სივრცე შარდ-სასქესო შუასაძგიდის ქვემოთ ფასციასა (შორისის აპკსა) და შორისის ზედაპირულ ფასციას შორის, რომელიც შეიცავს ასოს ფესვს.
- spatium retroperitoneale რეტროპერიტონეული სივრცე; სივრცე პარიეტული პერიტონეუმის უკან, სადაც მოთავსებულია ცხიმოვანი ქსოვილი, პერიტონეუმისქვეშა, ფაშარი ფასცია, თირკმლები, თირკმელზედა ჯირკვლები, შარდსაწვეთები, სისხლძარღვები და ნერვები.
- spatium retropubicum ბოქვენისუკანა სივრცე; სივრცე ბოქვენის სიმფიზსა და შარდის ბუშტს შორის, პერიტონეუმის ქვემოთ; სივრცე ამოვსებულია ცხიმოვანი ქსოვილით და ქვემოდან მოსაზღვრულია ბოქვენ-წინამდებარეს იოგებით (Spatium Retziusi).
Source: შელია, ლეონარდ. ანატომიის განმარტებითი ლექსიკონი = Толковый анатомический словарь / ლ. შელია; რედ.: ნ. ჯავახიშვილი; ალ. ნათიშვილის სახ. ექსპერიმენტული მორფოლოგიის ინ-ტი. თბილისი: მეცნიერება, 1979.
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |