 |
 | |
stria, - ae
f.
L.
ზოლი
- stria longitudinalis lateralis et medialis ლატერალური და მედიალური გასწვრივი ზოლი; ორი წყვილი თეთრი ტვინოვანი ზოლი კორძიანი სხეულის დორსალურ ზედაპირზე, რუხ სამოსელში, რომლებიც წინისკენ მთავრდებიან შესაბამისი მხარის პარატერმინალურ ხვეულში, ხოლო უკანისკენ გადადიან დაკბილულ ხვეულში; შეიცავს ყნოსვის ტვინის ასოციაციურ ბოჭკოებს. ისევე, როგორც რუხი სამოსელი, დაკბილული ხვეული და ჰიპოკამპი, გასწვრივი ზოლები განეკუთვნებიან, ეგრეთ წოდებულ, ჰიპოკამპურ ფორმაციას, რომელიც შედის ყნოსვის ტვინის შემადგენლობაში.
- stria mallearis ჩაქუჩის ზოლი; პატარა ზოლი დაფის აპკის გარეთა ზედაპირზე, რომელიც გამოწვეულია დაფის აპკის შიგნითა ზედაპირზე ჩაქუჩის ტარის მიმაგრებით.
- stria terminalis სასაზღვრო ზოლი; ტვინოვანი ზოლი მხედველობის ბორცვსა და კუდიან სხეულს შორის; შედგება ნერვული ბოჭკოებისაგან, რომლებიც იწყებიან ნუშისებრ სხეულში. ნაწილი ამ ბოჭკოებისა უერთდება დიდი ტვინის წინა შესართავს, ნაწილი კი მთავრდება ჰიპოთალამუსის ბირთვებში.
- stria medullaris thalami მხედველობის ბორცვის ტვინოვანი ზოლი; მდებარეობს მხედველობის ბორცვის დორსალური და მედიალური ზედაპირების საზღვარზე; იწყება მხედველობის ბორცვის წინა ბოლოში და უკანისკენ გადადის სადავის სამკუთხედში; შედგება სადავის ბირთვის აღმავალი ბოჭკოებისაგან, რომელთა ნაწილი იწყება წინა დახვრეტილ ნივთიერებაში, ხოლო ნაწილი გამოეყოფა თაღის წინა სვეტს და მიემართება სადავის ბირთვში.
- stria vascularis სისხლძარღვოვანი ზოლი; სისხლძარღვოვანი ფენა ლოკოკინას სადინარის გარეთა კედლის შემაერთებელქსოვილოვან შრესა და ეპითელიუმს შორის, ძირითადი ქედის ზემოთ. ვარაუდობენ, რომ სისხლძარღვოვანი ზოლი ასრულებს სეკრეტორულ ფუნქციას, გამოიმუშავებს ენდოლიმფას.
- striae medullares ventriculi quarti მეოთხე პარკუჭის ტვინოვანი ზოლები; განივი ზოლები რომბისებრ ფოსოზე, რომლებიც ყოფენ მას ზედა და ქვედა სამკუთხედებად; შეიცავს ლოკოკინას დორსალური ბირთვიდან გამოსულ ბოჭკოებს, რომლებიც რომბისებრი ფოსოს შუა ღარით შედიან ტვინის სიღრმეში და უერთედებიან ტრაპეციულ სხეულს.
- striae olfactoriae ყნოსვის ზოლები; რუდიმენტული ხვეულები. ყნოსვის ტრაქტის უკანა ნაწილს გამოეყოფა სამი ტვინოვანი ზოლი:
- 1. ყნოსვის მედიალური ზოლი, რომლის ბოჭკოები მთავრდება კორძქვეშა არეში, პარატერმინალურ ხვეულში და გამჭვირვალე ძგიდეში,
- 2. ყნოსვის შუამდებარე ზოლი, რომლის ბოჭკოები მთავრდება წინა დახვრეტილ ნივთიერებაში და
- 3. ყნოსვის ლატერალური ზოლი, რომლის ბოჭკოები კუნძულის ზღურბლის გავლით აღწევენ პარაჰიპოკამპურ ხვეულს.
Source: შელია, ლეონარდ. ანატომიის განმარტებითი ლექსიკონი = Толковый анатомический словарь / ლ. შელია; რედ.: ნ. ჯავახიშვილი; ალ. ნათიშვილის სახ. ექსპერიმენტული მორფოლოგიის ინ-ტი. თბილისი: მეცნიერება, 1979.
 to main page | Top 10 • Feedback • Login |  top of page |
| © 2008 David A. Mchedlishvili | XHTML | CSS | Powered by Glossword 1.8.9 |