ფანტაზიის თავისებური ფორმა: დღისით, ღვიძილის დროს, დაწეული სიფხიზლის პირობებში, სუბ. ეთიშება სინამდვილეს და იწყებს თავის ცნობიერებაში თვალსაჩინო-ხატოვანი სურათების აგებას–ფანტაზირებას. ის ამას აკეთებს არა დასვენების, ან ძილის წინაპერიოდში, არამედ სისტემატურად, თითქმის მთელი დღე, რ-რც დასვენების დროს, ისე – მუშაობის პროცესში. ფანტაზიის მიმდინარეობა სიზმრის მსგავსია, მის შინაარსს შეადგენს ის, რაც სუბ-ს ყველაფერზე უფრო აწუხებს: სასურველი, მაგრამ მიუღწეველი მიზანი, არარეალიზებული სურვილები და მოთხოვნილებები. სუბ. ოცნებაში აგებს მთელ სცენებს, ეპიზოდებს, მოგონილი ამბების სერიებს. დ. ს-ის მსგავსი ფანტაზირებისადმი მიდრეკილება, გამონაკლისის სახით, ზოგჯერ, შეიძლება ყოველ ნორმალურ ადამიანსაც გაუჩნდეს, მაგრამ სისტემატური სახით იგი დამახ. „შიგნით მიმართული", აუტისტური ტიპის ინტროვერტული ად-ნისთვის; დამახ. აგრეთვე ახალგაზრდობის ასაკისთვის. დ. ს-ს კომპენსატორულ ფუნქციას მიაწერენ, ხოლო ფსიქოთერაპევტს ის საშუალებას აძლევს, ფანტაზიის შინაარსის ანალიზის საფუძველზე მიაგნოს დაავადების მიზეზს /ზ. ფროიდი/ იხ. ოცნება/
to main page 
top of page