იმბეცილობა

თანდაყოლილი ან ბ-ვის ადრეულ ასაკში შეძენილი სუსტგონიანობა. ი-ის გამომწვევი მიზეზები, ისე რ-რც სუსტგონიანობის სხვა სახეებისაც შეიძლება იყოს:

1. ნაყოფის ან დედის დაავადება ნაყოფის განვითარების ემბრიონულ პერიოდში.

2. ორგანული ტრავმა დაბადებასთან დაკავშირებით.

3. თავის ტვინის მძიმე დაავადებანი /მენინგო-ენციფალიტი და სხვა/. ი. დებილობაზე უფრო ღრმა ჭკუასუსტობაა, მაგრამ იდიოტობაზე უფრო იოლია. ი-ლის აზროვნების ფუნქციები სავსებით დაქვეითებულია, ცნებით აზროვნებას მოკლებულია, წარმოდგენები კონკრეტული საგნების ხატით განისაზღვრება, გონებრივი განვითარება 3-4 წლის ბ-ვის გონებ. განვით-ბის დონეს ვერ სცილდება, მეტყველება – ჩამორჩენილია ი-ლ ბ-ვს ნორმალურ, მასობრივ სკოლაში სწავლა არ შეუძლია, წერა-კითხვა, ანგარიშის ელემენტარული ცოდნის შეძენა – დიდ სიძნელეებს შეიცავს, სასკოლო დისციპლინას ვერ ეგუება, ახასიათებს დეზორგანიზებული ქცევა, იმპულსურია, ფიზ. აგებულება – დისპლასტიკური, არაპროპორციული, მოტორიკა ცუდად განვითარებული. თავის მოვლა /დაბანა, ჩაცმა და სხვ./. უჭირს. ი-ლი ბ-ვი საჭიროებს საგანგებო ზედამხედველობას სპეციალურ სააღმზრდელო დაწესებულებაში, სადაც მას შრომის ელემენტარულ ჩვევებს შეუმუშავებენ.