ნერვულ დაავადებათა მაგნეტიზმით მკურნალობის მეთოდი შექმნილი ფრანც ანტონ მესმერის მიერ /1734 — 1815 /. მკურნალობის ამ მეთოდს მესმერი უწოდებს ცხოველურ, ანიმალურ, მკურნავ და სიცოცხლის მაგნეტიზმს. თვითონ მესმერი თავის თეორიას პრაქტიკულად იყენებდა ნერვულ დაავადებათა მკურნალობის მიზნით. ის ხელებს ადებდა ან უსვამდა ავად–ს თანაზომიერად, რაც ავად-ში ძილისებურ მდგომარეობას იწვევდა და საბოლოო ანგარიშში ავად. იკურნებოდა. მ–ს განმარტებით, ხელის დადებას მაგნეტური ძალა გადააქვს ერთი ად-ნიდან მეორეში და იწვევს მასში ძილს. დ. ბრედმა /1841 / გააკრიტიკა მ-ის ეს მოძღვრება. მისი აზრით, აღწერილი ძილისებური მდგომარეობის ასახსნელად მაგნეტიზმის ძალა მოსატანი,არ არის და, რომ ძილის მოვლენა ჩვეულებრივი შთაგონებით და ჰიპნოზით აიხსნება. ზოგი მეცნიერის აზრით, მ. ჰიპნოზის განვითარების წინა პერიოდად შეიძლება ჩაითვალოს. დასაწყისში მ. ძალიან ფართოდ იყო გავრცელებული, თუმცა ბევრი მეცნიერი მაშინაც მას კრიტიკულად უყურებდა. მესმერის მიერ „მაგნეტიზმად“ წოდებული ძალის პრობლემა დღეს „ბიოენერგეტიკის“ პრობლემას უკავშირდება.
to main page 
top of page