ტერმინები: „მოლარული“, „მოლეკულარული“ წარმოიშვა ქიმიის ცნებებიდან „მოლ“ და „მოლეკულ –იდან. ფს-გიაში შემოიტანეს ამერიკული ბიჰევიორიზმის წარმომადგენლებმა, ორი სახის ქცევის ურთიერთისაგან გარჩევის მიზნით.
მოლარული ეწოდება ისეთ რთულ ქცევას, რ-იც გარკვეული მიზნისკენაა მიმართული, ად-ნთან მას გონება განსაზღვრავს, თავისი ბუნებით რთულია და მრავალი ცალკე მოქმედებისაგან შედგება; მოლეკულარული ქცევა კი მარტივია, არ არის კოგნიტიურად განსაზღვრული და არც მიზნობრივადაა მიმართული, ის შეიძლება შედიოდეს სხვა სახის მოლარულ ქცევაში, რ-რც მისი ერთ-ერთი ელემენტი. მაგ., მოლარულია ცხოველის ნადირობა, რ-იც ცალკე მოქმედებათა ჯაჭვისაგან შედგება, ხოლო მოლეკულარულია ის მარტივი მოძრაობები, რ-ებიც ამ ქცევაში შედის, მაგ., კუნთების შეკუმშვა, გაშლა და სხვა ცალკეულ მოძრაობათა რეაქციები. მოლარული ქცევა მრავალი მოლეკულარული ქცევისაგან შედგება. /იხ. ქცევის ფორმები/.
to main page 
top of page