ფროიდის ფსიქოანალიზში დაცვითი მექანიზმის ერთ-ერთი სახე. ნიშნავს თავდაპირველად მოცემული ობიექტის შეცვლას სხვა ობიექტით, შემცვლელით, სუროგატით. ასეთი შეცვლის გამომწვევი მიზეზი შეიძლება იყოს რ-რც შინაგანი, ისე გარეგანი ფაქტორი. გარეგანი, ე. ი. ობიექტური ფაქტორი წარმოიშობა სასურველი ობიექტის დაკარგვით /ვინმე წაგართმევს, თვითონ გეტყვის უარს, მოკვდება/. სუბ-ური ფაქტორი შინაგანი მოტივია. მაგ., როცა საკუთარი მიზეზით გამოწვეულ პირად წარუმატებლობას რაიმე საქმეში სხვას გადააბრალებ, შენს ადგილას დამნაშავედ სხვას დააყენებ, მერე კი იმას რატომღაც შეიძულებ; ან, როცა ნამდვილ დამნაშავეს ვერაფერს გაუბედავ და აგრესიას სხვაზე გადაიტან, სხვაზე იყრი ჯავრს –ერთ ობიექტს შეცვლი მეორეთი. ს-ის პროცესი არაცნობიერად მიმდინარეობს, სუბ-მა ამის შესახებ არაფერი იცის.
to main page 
top of page