გაღიზიანების მომატების ის დონე, რომლის შემდეგ გრძნობის ესა თუ ის ორგანო გამღიზიანებლის ზრდას ვეღარ ამჩნევს და მას ჩვეულებრივი ტკივილის შეგრძნებით უპასუხებს. მაგ., ობიექტური სინათლის ზრდას მხედველობის ორგანო გარკვეულ დონემდე გრძნობს, მის შემდეგ კი განათების მომატება სინათლის მომატების განცდას არ იწვევს და განიცდება, რ–რც ტკივილის შეგრძნება. იგივე ითქმის სხვა ორგანოების შესახებაც. შეგრძნების აბსოლუტური ზღურბლი, შეგრძნების განსხვავების ზღურბლი და შ. ზ. ზ. ფსიქო–ფიზიკაში პირველად იკვლიეს ე. ვებერმა და გ. ფეხნერმა /იხ. ვებერის კანონი,ფეხნერის კანონი/.
Source: ბერულავა ნადეჟდა. ფსიქოლოგიის ცნება-ტერმინთა ლექსიკონი / ნადეჟდა ბერულავა, ზოსიმე ხოჯავა /რედ. ვ. კაკაბაძე. - თბ. : ინტელექტი, 2018. – 408 გვ. : ნახ.;20 სმ. .- ISBN-9789941482694.
to main page 
top of page