ნებისყოფის პათოლოგიური დარღვევა. სუბიექტს არ შეუძლია ან უჭირს გადაწყვეტილების გამოტანა, მაგ., უჭირს გადაწყვიტოს, ან სრულიად ვერ წყვეტს წავიდეს თუ არა დღეს თეატრში, მისწეროს თუ არა ბარათი მეგობარს და სხვა. ა–ით დაავადებულს ახასიათებს აპათიური სულიერი მდგომარეობა, ინტერესის, ინიციატივის (აქტიურობის) დაკარგვა. გარემოს ზემოქმედებაზე თუმცა რეაგირებს, მაგრამ შემოქმედებით აქტიურობას ვერ იჩენს და გარემოში ცვლილების შეტანა უჭირს. ა. გვხვდება ნევროზისა და ფსიქოზის დროს, შეიძლება იყოს თავის ტვინის ორგანული დაზიანების შედეგი.