შორეული წინაპრისათვის დამახასიათებელი ფს-კური თუ სხეულებრივი ნიშნის გამოვლენა განვითარების მოცემულ საფეხურზე – ისეთი ნიშნისა ან თვისებისა, რ-იც შორეული წინაპრების კუთვნილება ყოფილა, განვითარების პროცესში დაკარგულა და უახლოეს გენერაციებში სავსებით აღკვეთილა. ახასიათებს იშვიათობა (ვლინდება ერთეული შემთხვევით), არ აქვს რაიმე სასიცოცხლო მნიშვ. პირიქით–მავნებელიცაა მაგ., ცნობილია შემთხვევა, რომ დაიბადა ად-ანი საკმაოდ მოგრძო კუდით, გრძელი და ზშირი თმით დაფარული ტანით და სხვა. არ შეიძლება ა-ის გაიგივება რაიმე დეფექტთან, მაგ., ტუჩგაპობილობასთან, მიკროცეფალიასთან, მგლის ხახასთან და სხვა. ა. შეიმჩნევა ად- ნის ქცევაშიც, მაგ., როცა კულტურის მაღალ საფეხურზე მდგომი პიროვნება რაიმე ნივთს მიაწერს მაგიურ ძალას და ატარებს მას (ამულეტის, თილისმის, ჯადოს რწმენა). ზ. ფროიდი და კ. იუნგი სიზმარში გამოვლენილ მითიურ წარმოდგენებს ა-ის გამოვლენად თვლიდნენ.
to main page 
top of page