ანუ ექსპლიკაცია ნიშნავს იმ მიზეზებისა და პირობების ჩვენებას, რ-ებიც გასაგებს ხდის, თუ რატომაა მოცემული მოვლენა ისეთი, რა სახითაც იგი გვეძლევა. ა. იძლევა პასუხს კითხვაზე: „რატომ“, საპირ-დ აღწერისა, რ-იც იძლევა პასუხს კითხვაზე: „რა“ და „როგორ“. ა-სთან გვაქვს საქმე: ა) როცა უცნობი, ახალი მოვლენა დაგვყავს უკვე ნაცნობზე, ანუ ახსნილზე, მაგ., საჭმლის მონელების დაყვანა წვის პროცესზე მის საკმარის ახსნასაც ნიშნავს; ბ) როცა მოვლენათა შორის ვამყარებთ აუცილებელ კავშირს, სადაც წინმავალი მოვლენა გამომწვევი მიზეზია და მომდევნო კი მისი შედეგი. ა., რ-რც მიზეზ-შედეგობრივი კავშირის ჩვენება მოვლენათა შორის, ყოველი საბუნებისმეტყველო მეცნიერების მთავარი ამოცანაა. მაგრამ მოვლენათა სწორი ახსნა მათი აღწერის გარეშე შეუძლებელია, ამიტომ საბუნებისმეტყველო მეცნიერებებში აღწერასაც მნიშვნელოვანი როლი განეკუთვნება (იხ. აღწერა).
to main page 
top of page