ორგანიზმის გარეთ ან მის შიგნით მიმდინარე ფიზ. ან ქიმიური პროცესი, რ-ლიც გამოწვეულია რეცეპტორებზე, ანუ გრძნობის ორგანოებზე რაიმე მოვლენის ზემოქმედების შედეგად. მაგ., ჰაერის ტალღისებური რხევა გავლენას ახდენს სმენის ორგანოზე, იწვევს რა მასში გარკვეული ბგერის შეგრძნებას. სინათლე, რ-იც თვალზე მოქმედებს, იწვევს სინათლის ანუ ფერის შეგრძნებას. საერთოდ ყოველი აგენტის (გამღიზიანებლის) ზემოქმედება, რ-იც კი რაიმე ორგანოზე გავლენას ახდენს, გარკვეულ შეგრძნებას იწვევს. ასეთი გ. არის ორგანიზის საპასუხო მოქმედების, ანუ რეაქციის პირველადი საწყისი მომენტი. მაგრამ არსებობს ისეთი გამღიზიანებელიც, რ-ლიც ორგანიზმზე თუმცა ზემოქმედებს, ცოცხალ ორგანიზმში ცვლილებას იწვევს, მაგრამ შეგრძნებას არ ბადებს; ასეთია მაგ., რენტგენის სხივები.
to main page 
top of page