შემეცნების ერთ-ერთი მეთოდი, როცა ზოგადი დებულებიდან გამოგვყავს კერძო ხასიათის მსჯელობა. მაგ., დედამიწის მიზიდულობის კანონი ზოგადი დებულებაა, ყოველი საგნის მიწაზე დავარდნა ამ დებულების საფუძველზე ხდება გასაგები - მისგან გამოიყვანება. დებულება, რომ ყოველი სამკუთხედის კუთხეთა ჯამი უდრის 180 – ზოგადი დებულებაა, თუ რამდენ გრადუსს უდრის რომელიმე კონკრეტული სამკუთხედის თითოეული კუთხე, ეს შეგვიძლია მისგან გამოვიყვანოთ. ორსავე შემთხვევაში აზრი ზოგადი დებულებიდან კერძოსაკენ მოემართება. საპირის. ინდუქცია.
Source: ბერულავა ნადეჟდა. ფსიქოლოგიის ცნება-ტერმინთა ლექსიკონი / ნადეჟდა ბერულავა, ზოსიმე ხოჯავა /რედ. ვ. კაკაბაძე. - თბ. : ინტელექტი, 2018. – 408 გვ. : ნახ.;20 სმ. .- ISBN-9789941482694.
to main page 
top of page