კანის ქვედა შრე, რომელსაც აქვს მეზოდერმული წარმოშობა; საკუთრივ კანი. ყველაზე უკეთესად განვითარებული აქვთ ხერხემლიანებს. დ-ის ზედა შრეს ეწოდება დვრილებიანი ან ღრუბლისებრი და ასრულებს ეპიდერმისის და სხვა წარმონაქმნების (კანის ჯირკვლები. ბუმბული, ბრჭყალები, თმა, ქერცლი) კვების ფუნქციას; ქვედა შრე შედგება მკვრივი შემაერთებელი ქსოვილისაგან და ასრულებს საყრდენ ფუნქციას. ძუძუმწოვრებში დ-ის ყველაზე ღრმა შრე ფაშარია, შემაერთებელქსოვილოვანი, გამოყოფილია და ქმნის ცხიმოვან შრეს.
Source: ელიავა, ი., მოკლე ზოოლოგიური ლექსიკონი / [რედ.: რ. ჟორდანია, ი. ქორქია] / საგამომცემლო, თბ.: ჯისიაი, 2001წ.
to main page 
top of page