სისხლი

სპეციალურ სისტემაში (სისხლის მიმოქცევის სისტემა) მოძრავი თხიერი შემაერთებელი ქსოვილი შემდეგი ფუნქციებით: 1) ტრანსპორტული (გაზების, საკვები ნივთიერებების, წყლის. ნივთიერებათა ცვლის პროდუქტების გადატანა ორგანოებიდან ქსოვილებისაკენ; ორგანიზმის გარეთ გამოსატანად ქსოვილებიდან სპეციალური ორგანოებისაკენ); 2) დამცველობითი, 3) თერმორეგულაციის. სისხლის რაოდენობა სხეულის წონასთან შეფარდებით უხერხემლოებში არის 20-60%, თევზებში – 30%, ამფიბიებსა და ქვეწარმავლებში - 6%, ფრინველებში, ძუძუმწოვრებში და, მათ შორის, ადამიანშიც - 8%. სისხლის ფერი დამოკიდებულია სუნთქვის პიგმენტებზე, რომლებიც ან ერითროციტებშია ან პლაზმაში.