წყლის ცხოველების სუნთქვის ორგანოები. უხერხემლოებში წარმოადგენენ სხეულის თხელკედლიან გამონაზარდებს. მათში გადის სისხლი და სხეულის ღრუს სითხე, ხდება ნახშირორჟანგის გამოყოფა და ჟანგბადის შთანთქმა. ლ-ბი პირველად გაუჩნდა მრავალჯაგრიან რგოლოვან ჭიებს, საკმაოდ რთულად აქვთ აგებული კიბოსნაირებს. მწერების წყალში მობინადრე ლარვებს (რუისელები და სხვ.) აქვთ ე.წ. ტრაქეული ლ-ბი. მოლუსკებში ლ-ბი ფურცლის ფორმისაა (ქტენიდიები) და განლაგებულია მანტიის ღრუში, ხერხემლიანებში წარმოდგენილია სიმეტრულად განლაგებული ნაპრალების სახით, რომელთა კედლებზეც განლაგებულია ლაყუჩის ფირფიტები.
Source: ელიავა, ი., მოკლე ზოოლოგიური ლექსიკონი / [რედ.: რ. ჟორდანია, ი. ქორქია] / საგამომცემლო, თბ.: ჯისიაი, 2001წ.
to main page 
top of page