პართენოგენეზი

სქესობრივი გამრავლების ერთ-ერთი ფორმა; ჩანასახის განვითარება ხდება გაუნაყოფიერებელი კვერცხუჯრედიდან (შეად. ანდროგენეზი). გავრცელებულია მწერებში (ბუგრები, ფუტკრები), კიბოსნაირებში, ციბრუტელებში, უმარტივესებში და სხვ. გვხვდება ხერხემლიანებშიც (მაგ. ხვლიკებში). არჩევენ ბუნებრივ და ხელოვნურ პ-ს, ობლიგატურსა (დაფნია არტემია) და ფაკულტატურს (მაგ თუთის აბრეშუმხვევია); არსებობს აგრეთვე ციკლური პ-ი, როდესაც ორსქესიანი გამრავლება და პართენოგენეზი ენაცვლებიან ერთმანეთს (ციბრუტელების, ბუგრების, დაფნიების ჰეტეროგონია). პ-ის დროს ვითარდება მხოლოდ ერთი სქესის თაობა: მდედრები (ტელიტოკია) ან მამრები (არენოტოკია), იშვიათად – ორივე სქესის (დეიტეროტოკია). ზოგჯერ 3-ის დროს ადგილი აქვს ცოცხლადშობას (ბუგრების დიდი ნაწილი). თუ პ-ი მიმდინარეობს ლარვულ სტადიაზე (ზოგიერთი ბუზი), მას პედოგენეზი ეწოდება.