ხერხემლიანების უმრავლესობისათვის დამახასიათებელი ორგანო, რომელშიც გროვდება ნაღველი. მოთავსებულია ღვიძლში ან მის სიახლოვეს, აქვს სადინარი, რომელიც უერთდება ღვიძლის სადინარს და წარმოქმნის ნაღვლის სადინარს. ეს უკანასკნელი იხსნება თორმეტგოჯა ნაწლავში. არა აქვს ზოგიერთ ფრინველს (სირაქლემას, მტრედს, თუთიყუშს, კოლიბრის) და ზოგ ძუძუმწოვარს (ზოგიერთ მღრღნელს, ვეშაპისნაირებს, სპილოებს, კენტჩლიქოსნებს, წყვილჩლიქოსნებიდან ირმებს და სხვა).
Source: ელიავა, ი., მოკლე ზოოლოგიური ლექსიკონი / [რედ.: რ. ჟორდანია, ი. ქორქია] / საგამომცემლო, თბ.: ჯისიაი, 2001წ.
to main page 
top of page