ნეოტროპიკული ოლქი

ნეოგეას ერთადერთი ზოოგეოგრაფიული ოლქი. იკავებს სამხრეთ ამერიკის მთელ მატერიკს, ცენტრალური ამერიკის დიდ ნაწილს და ვესტინდოეთის კუნძულებს. ფაუნა ძალიან მდიდარია და მკვეთრად განსხვავდება სხვა ოლქებისაგან. ხერხემლიანების ენდემური რიგებია: არასრულკბილიანები, ამერიკული სირაქლემები ნანდუ; მრავალია ენდემური ოჯახი: მაიმუნების ზოგიერთი ჯგუფი, ზღვის გოჭები, აგუტი, შინშილები, ტაპირები, ლამები, ლამანტინები, მდინარის დელფინები და სხვ. ფრინველებში 26 ენდემური ოჯასია, მათ შორის ტინამუ, კოლიბრები, კონდორები, ჰარპიები და სხვა. ქვეწარმავლებიდან: კაიმანები და სხვა. მრავლადაა ენდემური მწერებიც. ნ.ო. იყოფა 4 ქვეოლქად: ჩილეპატოგონიის, ბრაზილიის, ცენტრალური ამერიკისა და ანტილის.