ცხოველების სხეულის გარეგანი დამცველი წარმონაქმნი, რომლის ფუნქციებია: ორგანიზმის დაცვა, გარემოს ზემოქმედების აღქმა. საფ. შედგება ექტოდერმული წარმოშობის ეპითელური ქსოვილებიდან (უმაღლეს ცხოველებში მეზოდერმის ელემენტებითურთ), რომლებშიაც არის მგრძნობიარე ნერვული ელემენტების დაბოლოებანი. ს-ი ხშირ შემთხვევაში წარმოდგენილია კუტიკულით ან გარეგანი ჩონჩხით. ეს უკანასკნელი შეიძლება იყოს ორგანული (ქიტინი) ან არაორგანული წარმოშობისა (ნიჟარა). ხერხემლიანების ს. წარმოქმნილია მრავალშრიანი ეპითელიუმით და კანის დერივატებით (ქერცლი, ძვლოვანი ფირფიტები, ბუმბული, ბალანი). ს-თან დაკავშირებულია სხვადასხვა ჯირკვლები (შხამიანი, სუნიანი, ლორწოს წარმომქმნელი და სხვ.) და აგრეთვე პიგმენტური უჯრედები, რომლებიც ცხოველის შეფერილობას განაპირობებენ.
Source: ელიავა, ი., მოკლე ზოოლოგიური ლექსიკონი / [რედ.: რ. ჟორდანია, ი. ქორქია] / საგამომცემლო, თბ.: ჯისიაი, 2001წ.
to main page 
top of page