ონიქოფორების (იხ) ტიპის კლასი (65 სახეობა). თავისებური უხერხემლოები, რომლებიც განვითარდნენ რგოლიანი ჭიებისა და ფეხსახსრიანების საერთო წინაპრისაგან. სხეული შედგება 14-44 სეგმენტისაგან; თვითოეულ სეგმენტზე ერთი წყვილი ფეხია. გარეგანი სეგმენტაცია არ ემთხვევა ჭეშმარიტს. სუნთქავენ ტრაქეებით; ნერვული სისტემა ორტაგონის ტიპისაა; ცალსქესიანები არიან. განვითარება პირდაპირია. ბინადრობენ ტყის საფენში, ქვებისა და კუნძების ქვეშ. გავრცელებულია სამხრეთ ნახევარსფეროში. წარმომადგენელი – პერი პატუსი (60 სმ – მდე სიგრძეში).
Source: ელიავა, ი., მოკლე ზოოლოგიური ლექსიკონი / [რედ.: რ. ჟორდანია, ი. ქორქია] / საგამომცემლო, თბ.: ჯისიაი, 2001წ.
to main page 
top of page