მეტამორფოზი

ცხოველებში ორგანიზმის აგებულების ღრმა გარდაქმნები, რომლის პროცესში ლარვა გარდაიქმნება ზრდასრულ ინდივიდად. მ-ზი დამახასიათებელია უხერხემლოების უმრავლესობისათვის და ზოგიერთი ხერხემლიანისათვის (მრგვალპირიანები, ორგვარადმსუნთქავი თევზები, ამფიბიები). ცხოველების ზოგიერთ ჯგუფში მ-ის დროს ხდება ლარეული ორგანოებისა და ქსოვილების დაშლა და აგებულების შეცვლა. ასეთი მოვლენა გვხვდება სრული გარდაქმნის მქონე მწერებში. უკუდო ამფიბიებში და სხვ. სხვა ჯგუფებში კი ხდება ცალკეული ლარვული ორგანოებისა და ქსოვილების გარდაქმნა (მაგ. არასრული გარდაქმნის მქონე მწერები, თევზები, კუდიანი ამფიბიები).