ცხოველებში ს.ფ. არის ინდივიდების ჯგუფი, რომელსაც აქვს მსგავსი მორფოლოგიური შეგუებანი მსგავს გარემოში. ერთ ს.ფ-ს შეიძლება მიეკუთვნებოდნენ სხვადასხვა სახეობები, ზოგჯერ ტაქსონომიურად ძლიერ დაშორებული ცხოველები. მეტამორფოზის მქონე ცხოველებისათვის დამახასიათებელია ს.ფ.-ს ცვლა ონტოგენემში (მაგ. მწერებში – მატლი, ჭუპრი და იმაგო). დამოუკიდებელ ს.ფ-ად შეიძლება განვიხილოთ ჭიანჭველების, ტერმიტების კასტები, აგრეთვე ცალკეული ქვესახეობები და რასები. ს-ფ-ის კლასიფიკაციას საფუძვლად შეიძლება დაედოს სხვადასხვა კრიტერიუმი (მოძრაობის თავისებურება, საკვების მოპოვების წესი, და ა.შ.). მაგ. საკვების მოპოვების მიხედვით შეიძლება გამოიყოს ს.ფ.-ის რამოდენიმე ჯგუფი - ფიტოფაგები, დეტრიტოფაგები, ნეკროფაგები, მტაცებლები და სხვ. ტერმინი ს.ფ. ზოოლოგიაში შემოვიდა ამ საუკუნის 20-იან წლებში და ნასესხები იყო ბოტანიკიდან.
Source: ელიავა, ი., მოკლე ზოოლოგიური ლექსიკონი / [რედ.: რ. ჟორდანია, ი. ქორქია] / საგამომცემლო, თბ.: ჯისიაი, 2001წ.
to main page 
top of page