| შესვლა |
 |
 |
 English  Georgian |
| დასაწყისიკატეგორიები |
|
ძიება საძიებელი ქართველთა შორის წერა-კითხვის გამავრცელებელი (ქშწკგ) საზოგადოების ყველა წევრს აერთიანებს, რომლებიც გაწევრიანდნენ ამ საზოგადოებაში მისი დაარსებიდან ლიკვიდაციამდე (1879–1927). ეროვნული ბიბლიოთეკა მოგმართავთ თხოვნით, თქვენი წინაპრების ან ნათესავების ამ ბაზაში აღმოჩენის შემთხვევაში გამოგვიგზავნოთ მათი მონაცემები ბაზაში განსათავსებლად. საკონტაქტო ტელეფონი: 599548291. |
სამსონ ანტონის ძე დუმბაძე
ბიოგრაფიასამსონ დუმბაძე დაიბადა 1866 წლის 2 თებერვალს (ძვ. სტ.) გურიის მაზრის სოფელ შემოქმედში ცნობილი ლოტბარისა და მაგალობლის ანტონ დუმბაძის ოჯახში. აზნაური ანტონ ნიკოლოზის ძე დუმბაძე (1824–1907) ამავე დროს იყო პოლიციის პორუჩიკი, რუსეთ–თურქეთის 1877–1878 წლების ომის მონაწილე და გურიის მილიციის (სახალხო რაზმის) ასეულის უფროსი. დედა ნაკაშიძის ქალი გახლდათ. სამსონმა განათლება თბილისის კადეტთა კორპუსში მიიღო და სწავლა გააგრძელა ნიკოლაევსკის ინჟინერთა სასწავლებელში. სამხედრო სამსახურს 1883 წლის 31 აგვისტოდან შეუდგა და გაგზავნილი იქნა პირველ კავკასიურ ბატალიონში, სადაც 1884 წელს პოდპორუჩიკის, 1888-ში პორუჩიკის, 1891-ში შტაბსკაპიტნის, ხოლო 1894-ში კაპიტნის ჩინები მიიღო. ამის შემდეგ სამსონ დუმბაძემ დაასრულა ნიკოლაევსკის საინჟინრო აკადემია და 1902 წელს პოდპოლკოვნიკი გახდა. იმავე წელს მიიღო პოლკოვნიკის ჩინიც. 1915 წელს სამსონ დუმბაძე გენერალ-მაიორის წოდებით დააჯილდოეს. იგი გახლდათ აღმოსავლეთ რუსეთში თეთრების მოძრაობის წევრი და დაპატიმრებული იყო რვა წლის განმავლობაში, სასჯელს იხდიდა ბუტირკის ციხეში. სამსონ დუმბაძის დაკრძალვის ადგილი უცნობია. ორგანიზაციის, ასოციაციის ან ჯგუფის წევრი
ჯილდოები, პრემიები და პრიზები
|
ბიოგრაფიის შემოთავაზება| Biographical Dictionary. version 1.2.2.R1 Copyright © 2010-2012 by David A. Mchedlishvili |