მიხეილ ბიძინას ძე ერისთავი (გენერალ–მაიორი)

    მიხეილ ერისთავი, ქსნის ერისთავთა საგვარეულოდან,  დაიბადა 1827 წელს გორის მაზრის სოფელ კარალეთში.

    მიხეილ ერისთავი მონაწილეობდა ყირიმისა (1853–56) და რუსეთ-ოსმალეთის (1877–78) ომებში. 1867 წლიდან იყო თერგის კაზაკთა ჯარის 1-ლი ბრიგადის მოზდოკის პოლკის მეთაური. 1877 წლიდან რუსეთის იმპერიის არმიის გენერალ-მაიორი და ირიცხებოდა კავკასიის არმიის კავალერიაში. დაჯილდოებულია წმინდა ანას II ხარისხის ორდენით.

   1879 წლიდან მიხეილ ერისთავი გახლდათ "ქართველთა შორის წერა-კითხვის გამავრცელებელი საზოგადოების" დამფუძნებელი წევრი და აქტიურად იყო ჩაბმული საზოგადოების საქმიანობაში. 

    მიხეილ ერისთავი გარდაიცვალა 1894 წელს და დაკრძალულია თბილისში, კალოუბნის წმინდა გიორგის სახელობის ეკლესიის საგვარეულო აკლდამაში. 

• ქართველთა შორის წერა-კითხვის გამავრცელებელი საზოგადოება, საზოგადოების დამფუძნებელი წევრი (1879-)

• წმინდა ანას II ხარისხის ორდენი

• სახლი

  მისამართი:	თბილისი, გოლოვინის ქუჩა, მუხრანსკის სახლი