
	English Georgian

Correction

თამარ დავითის ასული ბაგრატიონ–გრუზინსკი

Legal name:	თამარ დავითის ასული ჭავჭავაძე
Date of birth:	24 January, 1852
Date of death:	1933 (at 80 years)
Burial location:	მცხეთა, სვეტიცხოვლის საკათედრო ტაძარი
Category:	Interpreter, Educator, Public Figure, Royalty

Biography

თამარ ჭავჭავაძე დაიბადა 1852 წელს თბილისში, გენერალ დავით ჭავჭავაძისა და ანა ილიას ასული ბაგრატიონ-გრუზინსკაიას ოჯახში.

1854 წელს, 2 წლის თამარი, 10 თვის განმავლობაში, ნათესავებთან ერთად დაღესტანში შამილის ტყვეობაში იმყოფებოდა. ტყვეობიდან გათავისუფლების შემდეგ იგი იზრდებოდა საუკეთესო პირობებში. შესანიშნავად უკრავდა და პოეზიისა და მხატვრობის ტრფიალი გახლდათ. იგი იყო საიმპერატორო კარის ფრეილინა, „ქართველთა შორის წერა-კითხვის გამავრცელებელი საზოგადოების“ დამფუძნებელი წევრი და სათავადაზნაურო გიმნაზიის მზრუნველთა კომიტეტის წევრი.

თამარ ჭავჭავაძე ცოლად გაჰყვა ერეკლე II შვილიშვილს ირაკლი ალექსანდრეს ძე ბაგრატიონს და მათ შეეძინათ ორი ქალიშვილი: ელისაბედი და ეკატერინე. ირაკლი ბაგრატიონი გარდაიცვალა 1882 წელს და ოჯახის მთელი ტვირთი თამარს დააწვა. მეუღლის გარდაცვალების შემდეგ თამარი ქალიშვილებთან ერთად საზღვარგარეთ გაემგზავრა. ორივე ქალიშვილს განათლება პარიზის კათოლიკურ მონასტერთან არსებულ ქალთა სასწავლებელში მიაღებინა. თამარი ცხოვრობდა პარიზში, დრეზდენში, რომში და საბოლოოდ ვენეციაში დასახლდა, სადაც ქართული ყოფა-ცხოვრების ამსახველი ექსპონატებით, საკუთარ ვილაში, ქართული კულტურის მუზეუმი მოაწყო და უცხოელებს თავისი ქვეყნის კულტურას აცნობდა. 1895 წელს იგი ქალიშვილეთან ერთად სამშობლოში დაბრუნდა.

თამარ ჭავჭავაძე გარდაიცვალა 1933 წელს თბილისში და დაკრძალულია მცხეთაში, სვეტიცხოვლის საკათედრო ტაძარში მეუღლის გვერდით.

Member of Organizations

ქართველთა შორის წერა-კითხვის გამავრცელებელი საზოგადოება, საზოგადოების დამფუძნებელი წევრი (1879-)

Contacts Information

Home

Address: თბილისი