იასონ დიმიტრის ძე თუმანიშვილი

   იასონ თუმანიშვილი დაიბადა 1820 წელს.

   1863-1867 წლებში იგი გახლდათ თბილისის სახაზინო თეატრის დირექტორი, რომლის დროსაც თეტრმა ბრწყინვალე მუშაობა ჩაატარა.

  1870-1875 წლებში იასონ თუმანიშვილი იყო ქალაქ თბილისის თავი. მისი მმართველობის პერიოდში შემოღებილი იქნა ქალაქის თვითმმართველობა და მისი მეთაურობითა და საზოგადოების შემოწირულობების საფუძველზე საძირკველი ჩაეყარა თბილისის მიხეილის სახელობის სახელოსნობო სასწავლებელს: „ერთი დაუვიწყარი განძი - ქალაქის სახელოსნო სასწავლებელი, რომლითაც იაზონ თუმანიშვილმა სამუდამო სახსოვარი დასტოვა ტფილისის მოქალაქეთა გულში..." (ივერია, 1893 წ. N40).

   თუმანიშვილი 1879 წელს გახლდათ „ქართველთა შორის წერა-კითხვის გამავრცელებელი საზოგადოები“ ერთ-ერთი დამფუძნებელი წევრი და აქტიურად იყო ჩაბმული საზოპგადოების საქმიანობაში.

   იასონ თუმანიშვილი გარდაიცვალა 1883 წელს, 63 წლის ასაკში. სერგეი საამოვმა მის გარდაცვალებას ლექსი მიუძღვნა: „გარდაცვალებული თავადი იაზონ თუმანოვსა უძღვნი ქებასა“.