ივანე ბეჟანის ძე ბოლქვაძე

    ივანე ბოლქვაძე დაიბადა 1879 წელს ოზურგეთის რაიონის სოფელ ნატანებში (სამღვთო). სოფლის დაწყებითი სკოლის დამთავრების შემდეგ 15-16 წლის ჭაბუკი ბათუმში  წავიდა, სადაც სტამბაში მოსწავლედ მოეწყო. 

   1899 წელს ივანე ბოლქვაძე თბილისში გაემგზავრა და ლიბერმანის სტამბაში დაიწყო მუშაობა. პარალელურად  აქტიურად მონაწილეობდა რევოლუციურ საქმიანობაში. 

    ივანე ბოლქვაძე საქართველოში საბჭოთა ხელისუფლების დამყარების შემდეგ სხვადასხვა პარტიულ სამუშაოებზე მუშაობდა. 1928–1930 წლებში  თბილისის საქალაქო საბჭოს აღმასკომის თავმჯდომარე გახლდათ და შემდეგ წლებში სხვადასხვა ხელმძღვანელ სამეურნეო თანამდებობებზე მუშაობდა.

    1931-1937 წლებში ივანე ბოლქვაძე საქართველოს სსრ უზენაესი სასამართლოს თავმჯდომარედ მუშაობდა. 1937 წლის 10 ივნისს დაპატიმრებული იქნა საქართველოს სსრ-ის შინსახკომის სახელმწიფო უშიშროების სამმართველოს მე-4 განყოფილების მიერ და იმყოფებოდა კომენდატურაში.

   ივანე ბოლქვაძე დაიღუპა ბოლშევიკურ-ტოტალიტარული რეჟიმის სტალინური რეპრესიების შედეგად. რეაბილიტირებულია სსრკ-ს უზენაესი სასამართლოს სამხედრო კოლეგიის 1956 წლის 16 ივლისის დადგენილებით. საქმე შეწყვეტილი იქნა დანაშაულის ნიშნების არარსებობის გამო. 

P.S. ივანე ბოლქვაძე გახლავთ ცნობილი ქართველი რეჟისორის რობერტ სტურუას ბაბუა დედის მხრიდან.

• ქართველთა შორის წერა-კითხვის გამავრცელებელი საზოგადოება, საზოგადოების თბილისის განყოფილების წევრი (1917-)
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1914-)

• Home

  Address:	თბილისი, გრიბოედოვის ქ. N11