ნიკოლოზ (კოლა) ალექსანდრეს ძე ჯანდიერი

    ნიკოლოზ ჯანდიერი დაიბადა 1873 წელს ზაქათალაში, ოფიცერ ალექსანდრე ჯანდიერისა და სალომე აბელიშვილის ოჯახში. მამა საყარაულო ასეულის ოფიცერი ყოფილა და ზაქათალაში იყო მივლინებული. ნიკოლოზის დაბადების შემდეგ ოჯახი სიღნაღში გადავიდა საცხოვრებლად. დედა ადრე გარდაეცვალა და  ალექსანდრეს შვილების მოვლაში ხელს უმართავდნენ მისი და მართა ჯანდიერი და მეუღლის ძმა დავით აბელიშვილი. ზაფხულს ალექსანდრე ჯანდიერის ოთხივე შვილი ბიძასთან ატარებდნენ, სადაც აუცილებელი პირობა იყო შრომა და  უფროს-უმცროსების ურთიერთპატივისცემა.

   1880 წელს ნიკოლოზ ჯანდიერი, ძმასთან კოტესთან ერთად,  სიღნაღის ერთკლასიან სასწავლებელში მიაბარეს, ხოლო  შემდეგ სწავლა ქალაქის  ოთხწლიან სკოლაში გააგრძელეს, რომელიც წარჩინებით დაამთავრეს.

   1888 წელს ნიკოლოზი თბილისის პირველ კლასიკური გიმნაზიის მესამე კლასში სახაზინო სტიპენდიანტად ჩაირიცხა. მასთან ერთად გიმნაზიაში სწავლობდა მისი ბავშვობის მეგობარი ივანე ჯავახიშვილი.  გიმნაზიაში იგი საუკეთესო მოფარიკავედ ითვლებოდა.

   1894 წელს ნიკოლოზმა გიმნაზია დაამთავრა. მამას ძალიან უნდოდა შვილი ოფიცერი ყოფილიყო, მაგრამ ნიკოლოზმა უარი განაცხადა. დედის ადრე გარდაცვალებამ და  მამიდა მართას უკურნებელმა სენმა მას ექიმობა აფიქრებინა. მის სულიერ სამყაროს ეს პროფესია  უფრო ესატყვისებოდა. სასწავლებლად რუსეთში უნდა წასულიყო, რაც მისი ოჯახური ფინანსებისთვის დაბრკოლებას წარმოადგენდა და მან განაცხადი, დაფინანსების თხოვნით,  სათავადაზნაურო დეპუტატთა ყრილობაზე შეიტანა. კრება წინააღმდეგი წასულა, მაგრამ გადამწყვეტი სიტყვა ილია ჭავჭავაძეს უთქვამს და ნიკოლოზმა დაფინანსება მიიღო.

    ნიკოლოზ ჯანდიერი გარდაიცვალა 1964 წლის 22 დეკემბერს დაკრძალულია თბილისში, ვაკის სასაფლაოზე.

• ქართველთა შორის წერა-კითხვის გამავრცელებელი საზოგადოება, საზოგადოების სიღნაღის განყოფილების თავმჯდომარე (1912-1915)
• ქართველთა შორის წერა-კითხვის გამავრცელებელი საზოგადოება, საზოგადოების სიღნაღის განყოფილების გამგეობის წევრი (1910-)
• ქართველთა შორის წერა-კითხვის გამავრცელებელი საზოგადოება, საზოგადოების სიღნაღის განყოფილების ნამდვილი წევრი (1910-)

• საქართველოს სსრ დამსახურებული ექიმი