შესვლა |
![]() |
![]() |
![]() ![]() |
დასაწყისიკატეგორიები |
ძიება საძიებელი ქართველთა შორის წერა-კითხვის გამავრცელებელი (ქშწკგ) საზოგადოების ყველა წევრს აერთიანებს, რომლებიც გაწევრიანდნენ ამ საზოგადოებაში მისი დაარსებიდან ლიკვიდაციამდე (1879–1927). ეროვნული ბიბლიოთეკა მოგმართავთ თხოვნით, თქვენი წინაპრების ან ნათესავების ამ ბაზაში აღმოჩენის შემთხვევაში გამოგვიგზავნოთ მათი მონაცემები ბაზაში განსათავსებლად. საკონტაქტო ტელეფონი: 599548291. |
მიხეილ ჯათუს ძე კაკულია![]()
ბიოგრაფიამიხა კაკულია დაიბადა ზუგდიდის მაზრის სოფელ კახათში. მიხეილმა ხონის სემინარია დაამთავრა და სოფელში მასწავლებლობდა. რევოლუციურ მოძრაობაში ახალგაზრდობიდანვე ჩაება და იყო სოციალ-ფედერალისტური პარტიის წევრი. 1901 წლამდე მიხა კაკულია რადიკალური პატრიოტი იყო. 1902-1905 წლებში, ზოგიერთ მეგრელ მასწავლებელთან ერთად, ბათუმის განთქმულ შავრაზმელ და ქართველთმოძულე გაზეთში "Черноморский вестник"-ში მონაწილეობდა. 1905 წლიდან ერთობას მიემხრო, სოციალ-ფედერალისტთა პარტიასა და ხალხში დიდი გავლენა დაიმსახურა. 1908 წლიდან მიხა კაკულია გახლდათ "ქართველთა შორის წერა-კითხვის გამავრცელებელი საზოგადოების" ნამდვილი წევრი. 1910 წელს მეფის მთავრობამ იგი დააპატიმრა და 4 წლით კატორღა მიუსაჯა, რომელიც ცოტა ხანში, ავადმყოფობის გამო, ციმბირში გადასახლებით შეუცვალა, სადაც 1917 წლამდე დარჩა. 1917 წელს მიხა კაკულია სამშობლოში დაბრუნდა და უბნის სახალხო მოსამართლედ დაიწყო მუშაობა. 1917 წლის ოქტომბრამდე მემარჯვენე ფედერალისტი იყო, ოქტომბრიდან კი მემარცხენედ ჩამოყალიბდა, ხოლო შემდეგ კომუნისტების რიგებში ჩადგა. მიხეილ კაკულიას გარდაცვალების თარიღი უცნობია. ბიბლიოგრაფია
|
Biographical Dictionary. version 1.2.2.R1 Copyright © 2010-2012 by David A. Mchedlishvili |